Færsluflokkur: Bloggar
Ýtir undir kvótaleigu.
2.9.2009 | 11:33
Þessar strandveiðar eiga sér skuggahliðar sem ekki eru mikið ræddar. Heimildarmaður minn sagði mér að veiðarnar hæfust með þeim hætti að fiskur er veiddur, slægður og flokkaður í tvö kör. Fyrsta flokks stór fiskur og svo smærri lélegri fiskur. Svo þegar líða tekur á daginn, þá taka menn til við að henda smærri fiski fyrir stærri. Ekki á hann gott með að synda mikið eftir að búið er að blóðga hann og slægja. Svo hann endar á botninum sem fóður fyrir einhver kvikindi þar.
Svo þegar allt er talið þá er í einhverjum tilfellum búið að drepa 11 -12 hundruð kíló af fiski til að geta landað 800 kg af úrvalsfiski. Gaman væri að vita hvort þetta er almennt svona og fá þá að sjá löndunarskýrslur sem tilgreina samsetningu á afla. Gaman væri að vita hversu margir ufsar og smærri þorskur eru þar skráðir. Önnur skuggahlið er á þessari annars ágætu hugmynd og hún er sú að menn sem "eiga" kvóta geta leigt hann frá sér og fiskað strandveiðikvótann.
Strandveiðarnar áfram | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (0)